მოწოდების ჯაჭვების მართვა

მაღალეფექტიანი დამუშავება და ოპერატიული კონტროლი

მომსახურების მაღალი დონის შესახებ ჩვენი წარმოდგენის შესაბამისად, სადისპეტჩერო სამსახური სიამოვნებით იღებს საკუთარ თავზე ოპერატიულ ამოცანებს. ჩვენ ვაფიქსირებთ შეკვეთებს და ვახდენთ მათ კონსოლიდაციას, განვსაზღვრავთ საჭირო რესურსებს ან შეფერხების შემთხვევაში ოპერატიულად ვერევით თქვენს პროცესებში.

თქვენი მიწოდების ჯაჭვების თვალსაჩინოება და გამჭვირვალობა

თქვენი სერვისის დონეებიდან გამომდინარე, განვსაზღვრავთ ეტაპებს და თვალყურს ვადევნებთ თქვენს გადაზიდვებს, ხშირად რეალური დროის რეჟიმში. ჩვენ ვქმნით ინტერაქტიულ საინფორმაციო დაფებს და ვანგარიშობთ შესაბამის წარმადობის, ხარისხისა და ხარჯების ეფექტიანობის კოეფიციენტებს, რათა ყოველთვის გქონდეთ სიტუაციაზე წარმოდგენა.

მოახდინეთ თქვენი CIP აქტივობების ოპტიმიზაცია

კომპანია Gebrüder Weiss მუდმივად მიისწრაფვის გაუმჯობესებისკენ. ამ მიზნით, ჩვენ ვაანალიზებთ შეგროვებულ ინფორმაციას, რათა გამოვავლინოთ პოტენციალი და ოპტიმიზაციის წინადადებები მოგაწოდოთ. ეს მიწოდების ჯაჭვის ყველა დონეს მოიცავს, როგორც ოპერატიულს, ასევე სტრატეგიულს,  რითაც თქვენს წარმატებას უზრუნველყოფს.

თქვენი მიწოდების ჯაჭვის ოპტიმალური სტრუქტურა

ჩვენ გეხმარებით თქვენი ქსელისა და პროცესების დაპროექტებაში. ეს მოიცავს „მიმდინარე სიტუაციის“ ანალიზს და პოტენციური რისკების მუდმივ შეფასებას. ამისათვის ვიყენებთ უახლეს ინსტრუმენტებს, გვყავს საუკეთესო ქსელური პარტნიორები და ყოველთვის ვაკვირდებით თანამედროვე ტენდენციებს.

წვდომა ყველა ლოგისტიკური ინფორმაციაზე ერთი კავშირის მეშვეობით

როგორც ლოგისტიკის წამყვანი პროვაიდერი, ჩვენ ვუკავშირებთ ჩვენს სისტემებს თქვენს სერვის-პროვაიდერებს, მომწოდებლებს და მიწოდების ჯაჭვის სხვა პარტნიორებს. ეს საშუალებას გაძლევთ იხილოთ ზოგადი სურათი GW-ს მხოლოდ ერთი ინტერფეისის მეშვეობით, მიიღოთ სტანდარტიზებული მონაცემები და ყოველთვის იყოთ მზაობის რეჟიმში, მაშინაც კი, როცა თქვენს ქსელში ცვლილებები ხდება.

ოპტიმალური დაგეგმვა და მუშაობის მსვლელობის კონტროლი მაქსიმალურად სწრაფი გაშვებისთვის

ჩვენი სერვისების პორტფოლიო მოქნილი, მასშტაბირებადი და თქვენს მოთხოვნებზე ადაპტირებადია. საჭიროების შემთხვევაში, პროექტის სერთიფიცირებულ მენეჯერებს მიყავთ დაგეგმვისა და დანერგვის ფაზა. ამგვარად, ჩვენ უზრუნველვყოფთ მომზადების ხანმოკლე პერიოდს და მუშაობის დაწყების უმოკლეს დროს.