პროექტები და ნაყარი ტვირთები

დაწყებული ქარხნებით და დამთავრებული ქარის ტურბინებით – დაგვისახეთ და ჩვენ გადავიტანთ

ჩვენი ექსპერტები პროექტებისა და ყრილი ტვირთების დეპარტამენტიდან ხშირად ასრულებენ გრანდიოზულ ოპერაციებს არასტანდარტული ტვირთების ტრანსპორტირებასთან დაკავშირებით. არ აქვს მნიშვნელობა როგორი მსხვილგაბარიტიანი ტვირთის გადატანა გჭირდებათ, იქნება ეს მოცულობითი ფოლადის კომპონენტები, მთლიანი ქარხნები, იახტები თუ სპეციალური სატრანსპორტო საშუალებები, ჩვენი ექსპერტები გაუმკლავდებიან ამ ამოცანას.

ჩვენ არა მხოლოდ გადაგვაქვს თქვენი ტვირთი A პუნქტიდან B პუნქტამდე - ზღვით, შიდა წყლების გზით, სარკინიგზო ტრანსპორტით, ავტომობილ-ბაქანით ან სატვირთო თვითმფრინავით. ჩვენი გუნდი ასევე გაგიწევთ მხარდაჭერას გზის ყველა ეტაპზე. მზად ვართ შემოგთავაზოთ გაფართოებული სერვის პაკეტი, რომელიც მოიცავს ტექნიკურ-ეკონომიკურ ანალიზს, მარშრუტის შეფასებას, შეფუთვას, აწყობას და კომპლექსურ სრულ პროექტებს. ცენტრალური და აღმოსავლეთ ევროპისა და აზიის ძირითად ბაზრებზე დაგროვებული ცოდნისა და გამოცდილების გარდა, ჩვენი გლობალური ქსელი გვაძლევს საშუალებას, პროექტებისა და ყრილი ტვირთების განყოფილების შემოწმებული სპეციალისტების მომსახურებით მთელ მსოფლიოში ვისარგებლოთ. ახლავე დაგვიკავშირდით!

დაგვიკავშირდით

რაც უფრო დიდია, მით უკეთესი

ჩვენი გრძელვადიანი გამოცდილებისა და შესაბამისი ცოდნის წყალობით, განსაკუთრებული და კერძოდ მოცულობითი ტვირთების გადაზიდვის დაგეგმვა და განხორციელება ჩვენს ძირითად კომპეტენციებს შორისაა. აქ ნახავთ ინფორმაციას ყრილი ტვირთების გადაზიდვის რამდენიმე პროექტის შესახებ: დაწყებული არაგაბარიტული კონტეინერების და „Ro-Ro“ ტიპის ტვირთების ტრანსპორტირებით, დამთავრებული ტვინდეკის გამოყენებით და მრავალი სხვა.

შლუზის კარიბჭე ვენის პორტისთვის

ვენის პორტმა ალბერნმა მიიღო ახალი შლუზის კარიბჭე წყალმოვარდნისგან დასაცავად. უზარმაზარი ზომის გამო, კარიბჭეს ტრანსპორტირება ორ სეგმენტად ხდებოდა (თითოეულის ზომაა 39,9 x 8,3 x 3 მეტრი, წონა: 142 ტონა) სტამბოლიდან (თურქეთი) ვენამდე. რუმინეთის საპორტო ქალაქ კონსტანცაში ოკეანეს გემიდან შიდა წყლების გემზე გადატვირთვა მოხდა.

ხიდის ტრანსპორტირება

ოსლოს ოპერის თეატრისა და მიმდებარე მუნკის მუზეუმის ტერიტორიაზე სარემონტო სამუშაოების დროს ახალი საფეხმავლო ხიდი დამონტაჟდა. Gebrüder Weiss-მა ხიდი რუმინეთის ქარხნიდან ოსლოში სამშენებლო ობიექტამდე ხიდი ერთიანად გადაიტანა. უზარმაზარი ზომების გამო (39 x 6,5 x 3 მეტრი), ოსლოს ყურეში ხიდის გადასატანად მცურავი ამწეს გამოყენება გახდა საჭირო.

ნაყარი ტვირთის გადაზიდვის მაგალითი

ნაყარი ტვირთი არის ტერმინი, რომელიც გამოიყენება საქონლის აღსაწერად, რომელიც თავისი განსაკუთრებული თვისებების (ზომა, წონა) გამო საჭიროებს სპეციალურ დაგეგმვას, ორგანიზებასა და გადაზიდვას. თითოეული გადაზიდვა უნიკალურია. ჩვეულებრივი სატვირთო გემების გარდა ხშირ შემთხვევაში სპეციალური გემებიც გამოიყენება.

ტვინდეკის გამოყენება

60 ტონიანი, მძიმე 8 x 3 x 3,5 მეტრის ყუთის ტრანსპორტირებისთვის გამოყენებულ იქნა ე.წ. ხელოვნური ტვინდეკი, ფოლადის პლატფორმა ხისტი ხის იატაკით ყუთის დასამაგრებლად. ტვირთი გემით რუმინეთის ქალაქ კონსტანცადან ჩინეთის ქალაქ შანხაიში გადაიტანეს. ამ სატრანსპორტო მეთოდის გამოყენებისას, ნაყარი ნაწილები შეიძლება ჩაიტვირთოს საკონტეინერო გემებზე, რომლებსაც, როგორც წესი, უფრო მჭიდრო განრიგი და უფრო მოკლე ტრანზიტის დრო აქვთ, ვიდრე ანალოგიურ ჩვეულებრივ სატვირთო გემებს.

RoRo (აგორება/ჩამოგორება) ტიპის გადაზიდვები

RoRo ტიპის გადაზიდვები ჩვენი პროექტებისა და ყრილი ტვირთების სერვისების კომპლექსის ნაწილია: სხვადასხვა სახის ტვირთი პანდუსების მეშვეობით გემზე და გემიდან უსაფრთხოდ გადაადგილდება. ჩვენი გადაზიდვების რამდენიმე მაგალითი: ჩინეთის შანხაიდან ავსტრალიის მელბურნში ჩამოტანილი ავტობუსები, 20 ტონიანი მძიმე საზღვაო გადაზიდვისთვის შეფუთული მანქანა (12 x 2,6 x 3,3 მეტრი) ჩინეთის შანხაიდან ნიდერლანდების როტერდამში, ან 19 ტონიანი მძიმე მანქანების ნაწილები, ზომით 6,73 x 6,73 x 0,80 მ გერმანიის ბრემერჰავენიდან, ავსტრალიის ფრემანტლემდე.

„არაგაბარიტული კონტეინერის“ გადაზიდვის მაგალითები

ჩვენს თანამშრომლებს აქვთ მრავალწლიანი და დადასტურებული გამოცდილება არაგაბარიტული კონტეინერების გადატანის სფეროში, ისინი ასრულებენ ისეთი მსხვილი ტვირთის გადატანას, როგორიცაა გენერატორები, მანქანების ნაწილები ან მოცულობითი სატრანსპორტო საშუალებები. ამგვარად, შეგიძლიათ მიაღწიოთ დანიშნულების ადგილს მსოფლიოს მასშტაბით.

არაგაბარიტული ტვირთის საავტომობილო გადაზიდვები

Gebrüder Weiss ფლობს აუცილებელ გამოცდილებას და სპეციალიზებულ პარტნიორთა შესაბამის ქსელს, რათა განახორციელოს სხვადასხვა სახის სპეციალური საავტომობილო გადაზიდვები ევროპისა და ასევე დსთ-ს ტერიტორიებზე.

ღუზის ჯაჭვები და სადგომის ხიმინჯი

1250 მეტრიანი ღუზის ჯაჭვები, ასევე 33 მ სიგრძის და 81 ტონა სიმძიმის სადგომის ხიმინჯი არის მცურავი საზღვაო ნავთობის პლატფორმის აღჭურვილობა, რომელიც სასწრაფოდ იყო გადასატანი ბილბაოდან (ესპანეთი) როტერდამში (ნიდერლანდები). სპეციალურად დაფრახტული გემით მ/გ TOVE, ტვირთის გატანა შეიძლებოდა ბილბაოს ორი სხვადასხვა ტერმინალიდან და შემდეგ ერთად გაგზავნა.

აფრიკა: არასტანდარტული ამოცანა

ხუთი კომპლექტური ცემენტის სახეხი დანადგარი, დაშლილი შემადგენელ ნაწილებად, ევროპიდან დასავლეთ აფრიკაში გასაგზავნად. ჩვენი გუნდი სამთო და ცემენტის მრეწველობისთვის დანადგარების წამყვანი მწარმოებლის ამ არასტანდარტულ ამოცანას წარმატებით გაუმკლავდა. 11 სხვადასხვა ქარხნიდან (ავსტრიაში, გერმანიაში, ხორვატიაში, ჩეხეთის რესპუბლიკაში, სლოვაკეთში, თურქეთში, ბელგიაში, ესპანეთში, პოლონეთში, ნიდერლანდებსა და ვიეტნამში) ყველა ნაწილის დანიშნულების ადგილზე ჩატანას თითქმის ერთი წელი დასჭირდა.

დანიშნულების ადგილი - განა

სამთო და ცემენტის მრეწველობის დანადგარების ერთ-ერთი წამყვანი მწარმოებლის შემდგომი შეკვეთა ნამდვილად გრანდიოზული ამოცანა აღმოჩნდა - კომპლექტური ცემენტის სახეხი დანადგარი, რომელიც განკუთვნილი იყო ქალაქისთვის თემა, განაში. მარტო სახეხი ცილინდრი 156 ტონას იწონიდა. შეკვეთის მთლიანმა მოცულობამ თითქმის 900 სტანდარტული კონტეინერი შეადგინა, პლუს სხვადასხვა ნაყარი ნაწილები.

ფოლადის მაღალი წნევის ჭურჭელი

ფოლადის მაღალი წნევის ჭურჭლის წონა, რომელიც იტალიიდან შვეიცარიის გავლით, ჰიუსტონში (ტეხასის შტატი) ჩამოვიტანეთ 70,5 ტონა იყო. 13 მეტრიანი რეზერვუარის მიწოდება განხორციელდა ავტომობილი-პლატფორმით და მსოფლიოში სიდიდით მეორე სატვირთო თვითმფრინავით ანტონოვ 124-ით. ჩვენ მოვახდინეთ სპეციალური გადაზიდვის ორგანიზება - კარიდან კარამდე.

სატრანსპორტო დავალება „ლუდსახარშის აღჭურვილობა“

GW-ის საჰაერო და საზღვაო გადაზიდვები/ Weiss-Röhlig ჰიუსტონის სატრანსპორტო დავალება: 3 800 კბ.მ მეორადი ლუდსახარშის აღჭურვილობა, მათ შორის ცხრა ლუდის ავზი (18 მ სიგრძის / 4,5 მ დიამეტრით) გაიგზავნა ერფურტიდან (გერმანია) ბრემენისა და ჰიუსტონის გავლით ტეხასის შტატის ქალაქ შაინერში (აშშ).

13 კაბელის კოჭა მისაბმელი ტროსებით

ამოცანას წარმოადგენდა ნიუკასლ-აპონ-ტაინიდან ბლითის გავლით როტერდამში ცამეტი კაბელის კოჭას მისაბმელი ტროსებით გადატანა (თითოეული 72 ტონას იწონიდა და დიამეტრი 4,6 მეტრს შეადგენდა), სადაც მასალა სასწრაფოდ სჭირდებოდათ სანაპიროზე დროულად დასამონტაჟებლად. ჩატვირთვის პორტში გადასატანად განკუთვნილი შესაფერისი პლატფორმიანი მისაბმელების და სპეციალური ჩარტერული ხომალდის მ/გ ANNE მეშვეობით, ტრანსპორტირება წარმატებით განხორციელდა და მომხმარებლის ყველა მოთხოვნა დაკმაყოფილდა.

სარკინიგზო ლიანდაგები ბელგიიდან ავსტრალიაში

კომპანია Voest Alpine Schienen GmbH-ის სარკინიგზო ლიანდაგები, რომლებიც 2500 ტონას იწონის და 16,2-დან 25 მეტრამდე სიგრძისაა, ანტვერპენიდან (ბელგია) ავსტრალიაში, 11 000 საზღვაო მილის მანძილზე, გემით DOLFIJNGRACHT ჩამოვიტანეთ. ჩვენ მოვახდინეთ გადაზიდვის ორგანიზება ლინცში დაფუძნებული ავსტრიული ფოლადის კომპანიისთვის.

მდინარე იანცზე შიდა გადაზიდვები

2000 კუბ.მ მოცულობის ქარხნის კომპონენტები იყო ჩამოტანილი შანხაიდან (აღმოსავლეთ ჩინეთი) ლეშანში (სამხრეთ-დასავლეთი) და გზამ მდინარე იანცზე 2000 კილომეტრზე მეტი შეადგინა.

რეაგენტების დოზირების ბლოკი

დანადგარის გაბარიტები 15,35 x 7,50 x 8,20 მ, შეიძლება შევადაროთ ერთ კერძო სახლს და ეს ყველაფერი 120 ტონას იწონის. დოზირების ბლოკი ღამის რეისით მანქანით პორტ რავენაში (იტალია) წინასწარი დაფრახტულ ხომალდზე მ/გ CONSTANCE იყო ჩატანილი და იყო გაიგზავნა ვერფზე გდანსკში (პოლონეთი), სადაც საზღვაო საბურღ დანადგარზე დამონტაჟდა.

მაღალი წნევის ჭურჭელი კარბამიდის მწარმოებელი ქარხნისთვის

ქარხნების დამპროექტებელი და მშენებელი ცნობილი ავსტრიული კომპანიის შეკვეთით GW-მ ორგანიზება გაუწია და შეასრულა ოთხი მძიმე ჭურჭლის გადატანა ლინციდან (ავსტრია) სინგანში (ჩინეთი). მაღალი წნევის თითოეული ჭურჭლის წონა 81, 177, 245 და 253 ტონას, ხოლო მაქსიმალური ელემენტის სიგრძე 26,5 მეტრს შეადგენდა.

შემშვები კოლექტორი: ამბიციური სატრანსპორტო პროექტი

მცირე ჰიდროელექტროსადგურებისთვის სრული სერვისის მიმწოდებლის შეკვეთით შემშვები კოლექტორის ტრანსპორტირება პრედორიდან (ბოსნია) სენტ-პელტენში (ქვემო ავსტრია). ამ კომპონენტის ტრანსპორტირებისას დატვირთვის დროს ტვირთის დამაგრების პრობლემა შეიქმნა. ვინაიდან ეს განსაკუთრებული ტვირთი იდაყვის ფორმის იყო, კოლექტორის დანიშნულების ადგილზე შეუფერხებლად და უსაფრთხოდ ჩატანის უზრუნველსაყოფად, ჩვენ ის ჯაჭვებით დავამაგრეთ.

სატვირთო მანქანამ ტვირთით ვიწრო ადგილი გაიარა

მოქნილად რეაგირება და გადაწყვეტილების სწრაფად მიღება ჩვენი, როგორც ლოგისტიკის სპეციალისტების სამუშაოს ნაწილს წარმოადგენს. მაგალითად, კაპლანის ტურბინის ტრანსპორტირებისას, რომელსაც მცირე ჰიდროელექტროსადგურების მიმწოდებლის შეკვეთით გადაგვქონდა ახალ ენერგოგენერირების ქარხანაში. პატარა ქალაქის ზალცკამერგუტის ქუჩები არ არის განკუთვნილი 4,70 მეტრის სიგანისა და 3,90 მეტრის სიმაღლის ტურბინის გადატანისთვის, ხოლო ბად-გოიზერნის ცენტრში არსებული ვიწრო ადგილი პროექტს შეფერხებით ემუქრებოდა. ჩვენ სწრაფად გადავწყვიტეთ მობილური ამწე გამოგვეყენებინა დატვირთული სატვირთო-მისაბმელის ასაწევად მოცემული დაბრკოლების გადასალახად და გზის გასაგრძელებლად.

ჩვენ შესახებ

მდგრადობა

ლოკაციები

ცნობები

მოწოდების ჯაჭვების მართვა

ტრანსპორტი

საწყობების ლოგისტიკა და ელექტრონული დამუშავება

ციფრული გადაწყვეტები

ვაკანსიების პორტალი

დაიწყეთ თქვენი კარიერა

უპირატესობები

კონტაქტი

ხელსაწყოები