ლოთარ თომა, Gebrüder Weiss-ის საჰაერო და საზღვაო განყოფილების ახალი მმართველი დირექტორი სამეთვალყურეო საბჭო 52 წლის პირს ნიშნავს, რომელიც მოქმედი ჰაინც ზენგერ-ვაისის თანამდებობას დაიკავებს.

2020 წლის დასაწყისიდან, ლოთარ თომა საერთაშორისო სატრანსპორტო და ლოგისტიკური კომპანიის, Gebrüder Weiss-ის საჰაერო და საზღვაო განყოფილებაზე იღებს პასუხისმგებლობას. ეკონომისტის დიპლომით, იგი გეგმავს ვოლფრამ ზენგერ-ვაისის (თავმჯდომარე), პიტერ კლოიბერისა და იურგენ ბაუერის გარშემო მმართველობა გააძლიეროს. Gebrüder Weiss-ის სამეთვალყურეო საბჭომ შესაბამისი გადაწყვეტილება 2019 წლის დეკემბერში მიიღო. 2019 წლის შუა პერიოდში, კომპანიის მიერ გავრცელებული ინფორმაციის თანახმად, მისმა წინამორბედმა ჰაინც ზენგერ-ვაისმა (45) გადაწყვიტა Gebrüder Weiss-ის მმართველობის აღმასრულებლის თანამდებობიდან გადამდგარიყო, რომელიც წლის ბოლომდე ძალაში რჩებოდა.

52 წლის ლოთარ თომამ ტრანსნაციონალურ კომპანიაში მთელი რიგი ამოცანები უნდა განახორციელოს: დღეს Gebrüder Weiss-ი 30 ქვეყანაშია წარმოდგენილი. დასავლეთით უკიდურესი მდებარეობა სან ფრანცისკოშია, ხოლო ყველაზე აღმოსავლეთით - ტაიბეიში, ტაივანი. Gebrüder Weiss-ს ლოგისტიკური გადაწყვეტილებების სფეროში უცხოეთის მთავარ ლოგისტიკურ წერტილებში საჰაერო და საზღვაო ტვირთებთან დაკავშირებული კომპეტენციის გარდა, წამყვანი ადგილი უჭირავს; იგი განაგებს საკუთარ ტერმინალებს ლოს ანჟელესში, ჩიკაგოში, ატლანტაში, სინგაპურში, ჰონგ-კონგში, შანხაისა და ტოკიოში. კომპანიის გაცხადებული მიზანია თავის მომხმარებლებს მთელი მსოფლიოს მასშტაბით ლოგისტიკის მართვის სფეროში ერთიანი სტანდარტები და IT გადაწყვეტილებები შესთავაზოს. აღნიშნული მომსახურება გულისხმობს Gebrüder Weiss-ის პოზიციის დადასტურებას მრეწველობის ხარისხის ლიდერებს შორის. 

ლოთარ თომამ Gebrüder Weiss-ის საჰაერო და საზღვაო განყოფილებაში მუშაობა 2019 წლის 1 სექტემბერს დაიწყო. მას შემდეგ, აღნიშნულ სფეროში ყველა ფუნქცია ეტაპობრივად მას გადაეცა. ბადენ-ვიურტემბერგში დაბადებული ლოთარ თომა ლოგისტიკის სფეროში 20 წელზე მეტ ხანს მუშაობდა და სულ ახლახანს CEO-ს როლში (მთავარი აღმასრულებელი ხელმძღვანელი), პასუხისმგებელი იყო საერთაშორისო ლოგისტიკური ჯგუფის მთლიან საქმიანობაზე. მანამდე, იგი სხვადასხვა წამყვან თანამდებობებს იკავებდა სხვა ცნობილ საერთაშორისო სატრანსპორტო და ლოგისტიკურ კომპანიებში.